بۆ جارا دوویێ كۆرسه‌كێ دى یێ خواندنێ یێ قوتابیێن كولیژا زانستێن ته‌ندرۆستى بۆ ده‌رڤه‌ى وه‌لاتى هاته‌ ئه‌نجامدان، و چه‌ند رێكه‌فتنامه‌یێن هه‌ڤكاریێ هاتنه‌ ئیمزاكرن:  ب ده‌ستپێشخه‌ریا به‌رێز (پ.د.زیرڤان عبدالمحسن أسعد) سه‌رۆكێ زانكویا جیهان-دهوك، كۆرسێ دوویێ یێ خواندنێ و گه‌شتا زانستى بۆ قوتابیێن كۆلیژا زانستێن ته‌ندرۆستى بۆ چه‌ند زانكۆیێن وه‌لاتێ توركیا هاته‌ ئه‌نجامدان، ب پشكداریا هژماره‌كا قوتابیان و ب سه‌رپه‌رشتیا ماموستایێن پسپۆر (د.كاژین حسن جاسم) و (د.روناك محمدصدیق)، كو بۆ ماوێ حه‌فتیه‌كێ یا به‌رده‌وام بوو (6/27 تا 2024/7/4). كۆرسێ خواندنێ و گه‌شتا زانستى و ئه‌كادیمى پێك دهات ژ سه‌ره‌دانا چه‌ندین زانكو و سه‌نته‌ر و سه‌ندیكا و تاقیگه‌هـ و ده‌زگایێن تایبه‌تمه‌ند د بوارێن زانستێن ته‌تدرۆستى (شیكاریا نه‌خۆشیان، مایكروبایۆلۆجى، كیمیا، ده‌رمانسازى، سڕكردن،...)، ژ وان:  ـ زانكویا ئه‌رزینجان بین عه‌لى یلدیرم، ل پارێزگه‌ها ئه‌رزینجان، كولیژا ده‌رمانسازى، و تاقیگه‌هـ پزیشكى. ـ زانکویا ئەتاتورک ل باژێرێ ئەرزرۆمێ، کولیژا زانستێن کیمیایێ، و سەنتەرێ ڤەکولینان. ـ زانكویا سیفاس یا كۆمارى، ل پارێزگه‌ها سیڤاس - توركیا، کولیژا پزیشکی گشتی و دەرمانسازی  ـ سه‌ندیكا ده‌رمانسازى ل پارێزگه‌ها مێردینێ.  مه‌ره‌م ژ ئه‌نجامدانا گه‌شتا زانستى: ـ ئیمزاكرنا رێكه‌فتنامه‌یێن لێكه‌تێگه‌هشتن و هه‌ڤكاریێ دگه‌ل زانكویێن ناڤبرى و سه‌ندیكا و سه‌نته‌رێن پزیشكى ل وه‌لاتێ توركیا. ـ مفا وه‌رگرتن ژ پسپۆرێن تاقیگه‌هێن زانكویێن ناڤبرى د بوارێ پراكتیكى دا، و ئه‌نجامدانا پشكنینێن شیكارى، بایۆكیمیایى، مایكرۆبایۆلۆجى. ـ ئاشنابوون لسه‌ر نویترین ئامیرێن پزیشكى و تاقیگه‌هـێن سه‌رده‌میانه‌ و پێشكه‌فتى لسه‌ر ئاستێ جیهانێ. ـ مفا وه‌رگرتن ژ پرۆگرامێن خواندنێ و ژێده‌رێن زانستى و پزیشكى د چارچووڤێ پسپۆریێن زانستێن ته‌ندرۆستى دا. ـ بهێزكرنا په‌یوه‌ندیێن زانستى دناڤبه‌را زانكویا جیهان-دهوك و سازیێن زانستى ل زانكویێن ناڤبرى. ـ دانانا به‌رنامه‌ و پلانێن پاشه‌رۆژێ بۆ ئه‌نجامدانا چالاكیێن هه‌ڤپشك و هه‌ماهه‌نگیێ د چارچووڤێ كولیژ و به‌شێن ته‌ندرۆستى و پزیشكى دگه‌ل زانكویێن وه‌لاتێ توركیا چ بشێوێ ئۆنلاین یان ئاماده‌بوون. ـ ل دویماهیێ باوه‌رنامێن رێزلێنان و به‌شداربوونێ لسه‌ر ماموستا و قوتابیێن پشكدار هاتنه‌ پێشكێشكرن.  كورسێن خواندنێ و گه‌شتێن زانستى یێن كۆلیژ و به‌شێن ته‌ندرۆستى وپزیشكى دێ به‌رده‌وام بن ژلایێ زانكویا جیهان-دهوك بۆ زانكو و سازیێن پیشكه‌فتى ل ده‌رڤه‌ى وه‌لاتى