ئەڤرۆ رێکەفتى (19/2/2022) زانکویا جیهان-دهوک ب هەماهەنگى دگەل کومەلا ئەکادیمیێن زانستێن سیاسى ل دهوکێ کوربەندەک ئەنجامدا ل ژێر ناڤ و نیشانێن (خواندنەک بۆ دەڤەرێن کوردستانى یێن دەرڤەیى ئیدارا هەرێما کوردستانێ، ب ئامادەبوونا بەرێز (پروفیسورێ هاریکار د.زیرڤان عبدالمحسن أسعد) سەرۆکێ زانکویێ، و بەرێز (دژوار فائق) راوێژکارێ سەرۆکێ حکومەتا هەرێما کوردستانێ بۆ دەڤەرێن کوردستانى یێن دەرڤەیى ئیدارا هەرێمێ، هەروەسا بەرێز (پروفیسور د.ابراهیم أحمد سمو) راوێژکارێ دەستەیا ئەمینداریا زانکویێن جیهان، و ب ئامادەبوونا هژمارەکا ڤەکولەر و ماموستا و پسپور و ماموستایێن زانکویێ. هەژى یە بێژین کو رێڤەبرنا کوربەندى ژلایێ بەرێز (پرۆفیسورێ هاریکار د.بیار محمدرشید) هاریکارێ سەرۆکێ زانکویێ بۆ کارۆبارێن زانستى هاتە ئەنجامدان.
بابەتێ چارچووڤێ جوگرافى یان سنورێن کارگێرى یێن هەرێما کورستانا عیراقا فیدرال، گرنگى پێ نەهاتیە دان ل دەمێ دەرکرنا یاسایا رێڤەبرنا وەلاتى ماوێ ڤەگوهاستنێ هەروەسا ل دەمێ نڤیسینا دەستورێ عیراقێ یێ بەردەوام، هەروەسا حکومەتێن ناڤەندى یێن بەروەخت و ڤەگوهاستى و بەردەوام وەکو پێـتڤى گرنگى ب ڤى بابەتى نەدایە ب مەرەما گەرنتیکرنا سەرکەفتنا ئاڤاکرنا دەولەتەکا فیدرالى یا هەڤپشک لسەر بنیاتێ ئێکگرتنێ کو عیراقا نوى یە، یان ژى کار ژ پێخەمەت چارەسەرکرنا کێشا کوردى نەهاتیە کرن، لەوما سنورێن باشور و باشورێ رۆژئاڤا یێ هەرێما کوردستانێ، گرنگترین و ب زەحمەت ترین کێشێن هەلاویستینە دناڤبەرا حکومەتا ناڤەندى و حکومەتا هەرێما کوردستانێ، ژ ئەگەرێ هەبوونا کارتێکرنا شینوارێن نەرێنى یێن ئالوزى و زەحمەتکرنا ڤێ کێشا هەلاویستى لسەر پەیوەندیێن هەردوو ئالیان، لەوما ئەڤ کوربەندە هاتە ئەنجامدان ژ پێخەمەت گەنگەشەکرنا گرنگترین میکانزمێن سەرەدەرى کرن دگەل مادێ 140ێ یێ دستورێ عیراقى، هەروەسا گەنگەشە لسەر گرنگترین ستراتیژیی و سیناریویێن گونجایى بۆ گەهشتن ب ئەنجامەکى و چارەسەرکرنا کێشێن دەڤەرێن کوردستانى.