سەنتەرێ ڤەکولینا ل زانکویا جیهان-دهوک ویبینارەکێ نیڤدەولەتى ل ژێر ناڤ و نیشانێن " کاراکرنا رەوشەنبیریا ڤەکولین و ئافراندنێ، بلندکرنا ئاست و بەرهنگاریا ئاستەنگا" ل رۆژا ئێک شەمبى رێکەفتى (22/5/2022) ب مێهڤانداریا بەرێز (د.نزار البصام) رێڤەبەرێ سەنتەرێ ڤەکولینا ل زانکویا رۆژهەلاتا ناڤەڕاست ل عەمان، ب ئامادەبوونا بەرێز (پرۆفیسورێ هاریکار د.زیرڤان عبدالمحسن أسعد) سەرۆکێ زانکویێ، دگەل هژمارەکا پسپور و شاڕەزا و ڤەکولەران ژ زانکو و وەلاتێن جودا جودا.
رێڤەبرنا روینشتنێ ژلایێ بەرێز (د.نەوار ئەلسەعدی) رێڤەبەرێ سەنتەرێ ڤەکولینا ل زانکویا جیهان-دهوک هاتە ئەنجامدان،چەندین پرسیار و تەوەرێن گرنگ لسەر بابەتى هاتنە شرۆڤەکرن و گەنگەشەکرن ژلایێ ئامادەبوویان، ب مەرەما گەهشتن ب هندەک ژ پێشنیار و تێبینیا و ڕاسپاردە هاتنە تۆمارکرن یێن د بنە هاندەرێن پێشڤەبرنا سەنتەرێن ڤەکولینا ب شێوەیەکى کو ب گونجیت دگەل گەشەپێدان و پێشڤەچوونێن مەزن یێن زانکویێن نیڤدەولەتى یێن ئاست بلند و سازیێن دى یێن زانستى.