رۆینشتا ئێکێ: ل سەر بابەتێ "شەهمزاریا جڤاکی".

ل روژا ئێکشەمبی رێکەفتی (12/1/2026)، هژمارەکا قوتابیێن زانکویا جیهان-دهۆک ب دەستپێشخەریا راگرێ کولیژا یاسا بەرێز (د.رێبەر حسێن) و ب سەرپەرشتیا بەرپرسێ ئەکادیمیا جیهان-دهۆک "شیان مهدی" بەشداربوون د ورکشۆپەکا گرنگدا کو ژلایێ ڕێکخراوا "ژیندا" و دەستەیا سەربەخۆ یا مافێن مرۆڤان-نڤیسینگەها دهۆک ڤە و ب هەماهەنگی دگەل زانکویا جیهان-دهۆک هاتبوو ڕێکخستن.

د ڤێ ڕۆینشتنێدا پەیڤا بخێرهاتنێ ژلایێ سەرۆکا ڕێکخراوا ژیندا "خاتون چیمەن"ڤە وسەرۆکێ دەستەیا مافێن مرۆڤی-ئۆفیسا دهۆک هێژا "دلێر عبداللە حسن" پەیڤا نڤیسینگەهێ پێشکێشکر.

پاشی ل دویڤ وی پروگرامێ هاتییە دەستنیشانکرن پروگرام ب بابەتێ بەڕێز "د.اسماعیل ئەبابەکر بامەڕنی"ماموستایێ زانکویێ هاتە نیشاندان کو ل بن ناڤ و نیشانێن (ڕۆلێ فەلسەفا یاسادانەری د گهوڕینا هزرێن جڤاکی و تاکە کەسیدا). د ڕۆینشتنا دووێ دا بەڕێز "د.زبیدە سیدصالح" بابەتێ وورکشۆپا خوە ل بن ناڤ و نیشانێن (کاریگەریا شەرمزاریا جڤاکی ل سەر بەشداریا کارا یا ئافرەتان)  پێشکێشکر. ل دویماهیێ ب دانوستاندنەکا ئەکادیمی قوتابیێن زانکویا جیهان-دهۆک و ڕاهێنەرێن هێژا تیشک ئێخستە سەر نەنگیا جڤاکی و گرنگیا پشکداریا ئافرەتان د جڤاکیدا. هەروەسان دیالۆگەكا ڤەکری و گوهۆرینا دیتنان و گەنگەشەیێن بمفا هاتنەکرن ل سەر چەوانیا بەرهەنگاربوونا وێنەیێن جێگیر و پشتەڤانیکرنا رۆلێ کارایێ ئافرەتان د ناڤ کومەلگەهێ دا. یا ژ هەژیە بێژین ئەڤ چالاكیە پشكه‌كه‌ ژ پرۆژه‌یێ “ئافرەتێن دهۆکێ دەنگێ خۆ ددەن بۆ ئاشتیێ: بەرەڤ بەشداریەکا دادپەروەرانە و هەڤگرتی” ل گۆرەیی بریارا ئەنجومەنێ ئاسایشا نەتەوەیێن ئێکگرتی یا ژمارە 1325، كو ژ لایێ (WFWI) و (FCDO) ڤه‌ دهێته‌ پشته‌ڤانیكرن.