به‌شێ په‌روه‌ردا گشتى شێوازێ كاركرنێ یێ سالا نوى یا خواندنێ گه‌نگه‌شه‌كر

ل رێكه‌فتى (1/9/2025) ل دویف راسپاردێن رێنما و بریارێن جڤاتا زانكویێ ب سه‌رپه‌رشتیا به‌رێز (پ.د.زیرڤان عبدالمحسن أسعد) سه‌رۆكێ زانكویێ، به‌شێ په‌روه‌ردا گشتى ب مه‌ره‌ما پێشوازیكرن ل سالا نوى یا خواندنێ (2025-2026) و ده‌ستنیشانكرنا شێوازێ كاركرن و دانانا رێك و ئامرازێن خزمه‌تكرنا قوتابیان و په‌یداكرنا نویترین ئالاڤێن پێگه‌هاندن و ئاڤاكرنا كه‌سایه‌تیا قوتابیه‌كێ ژیر و پێگه‌هشتى، كۆمبوونه‌ك دگه‌ل ستافێ به‌شێ هاته‌ ئه‌نجامدان و چه‌ندین ته‌وه‌رێن گرنگ گه‌نگه‌شه‌ و شرۆڤه‌كرن یێن گرێدایى پێشڤه‌برنا به‌شى ل هه‌ردوو پسپۆریێن (زمانێ ئنگلیزى، ده‌روونناسى)

به‌شێ په‌روه‌ردا گشتى ل سالا خواندنێ (2020-2021) هاتیه‌ ڤه‌كرن و ژ دوو پشكێن سه‌ره‌كى پێك دهێت:

1. پشكا زمانێ ئنگلیزى.

2. پشكا ده‌روونناسى.

به‌شێ په‌روه‌ردا گشتى، پشتى قوتابى ب سه‌ركه‌فتیانه‌ قوناغا ئێكێ ده‌رباز دكه‌ت، ل قوناغا دووێ ئێك ژ پشكێن سه‌رى دێ هه‌لبژێریت، و تانۆكه‌ 2 گه‌رێن ده‌رچوونێ ئه‌نجامداینه‌، و ئێك ژ به‌شێن پێشكه‌فتى و سه‌ركه‌فتیه‌ لسه‌ر ئاستێ زانكویێ.