ئه‌ڤرۆ رێكه‌فتى (22/7/2024) شانده‌كێ جڤاتا زانكویا جیهان-دهوك ب سه‌رپه‌رشتیا به‌رێز (پ.د.زیرڤان عبدالمحسن أسعد) سه‌رۆكێ زانكویێ، سه‌ره‌دانا زانكویا نه‌ورۆز كر و هاتنه‌ پێشوازیكرن ژلایێ به‌رێز (پ.هـ.د.مێڤان عارف بادى) ب مه‌ره‌ما پێشكێشكرنا پیرۆزباهیان ب هه‌لكه‌فتا ده‌ستبكاربوونا ناڤبرى وه‌ك سه‌رۆكێ زانكویێ. د ته‌وه‌ركێ یێ سه‌ره‌دانێ دا باس ل پێشڤه‌برن و بهێزكرنا په‌یوه‌ندیێن زانستى و ئه‌كادیمى دناڤبه‌را هه‌ردوو سازیان دا هاته‌ كرن، و جه‌خت ل ئه‌نجامدانا هه‌ماهه‌نگى و هه‌ڤكاریێ كرن د بلندكرنا ئاستێ زانستى یێ قوتابیان و مفا وه‌رگرتن ژ سه‌ربۆرێن هه‌ڤدوو ب مه‌ره‌ما خزمه‌تكرنا وه‌لاتى و پێگه‌هاندنا نفشێ نوى و داهاتى.