زانکویا جیهان-دهوک و بهێزکرنا پەیوەندیان دگەل سازیێن جودا جودا یێن فێرکرنێ:

ئەڤرۆ رێکەفتى (9/2/2022) شاندەکێ زانکویا جیهان-دهوک ب سەرپەرشتیا بەرێز (پرۆفیسورێ هاریکار د.زیرڤان عبدالمحسن أسعد) سەرۆکێ زانکویێ، سەرەدانا رێڤەبەریا مەشق و ڕاهێنانێ یا سەر ب رێڤەبەریا گشتى پەروەردا پارێزگەها دهوکێ و هاتنە پێشوازیکرن ژلایێ خانم (اواز احمد محمود) رێڤەبەرا رێڤەبەریا ناڤبرى، ژلایێ خۆ بەرێز سەرۆکێ زانکویێ هیڤیا پیرۆزباهى ل پوستى نوى یێ خانم اواز کر و هیڤیا سەرکەفتنێ بۆ خواست، هەروەسا ئامادەییا زانکویێ دەربری ژ بۆ هەر هاریکاریەکێ دەربارەى خزمەتکرنا ستافێ ماموست و فەرمانبەر و قوتابیێن پەروەردێ و قوتابخانا و باغچان کر چ ب رێیا ڤەکرنا خۆلێن راهێنان و فێرکرنێ، یان سەرەدانا تاقیگەهێن گرێدایى کولیژا زانستێن تەندروستى یێن زانکویا جیهان، هەروەسا ژلایێ خۆ رێڤەبەرا ناڤبرى سوپاس و پێزانینێن خۆ دەربرین ژ بۆ دەستپێشخەریا زانکویێ ژ بۆ پێشکێشکرنا هاریکارى و گرنگى دان ب هێزکرنا پەیوەندیان دناڤبەرا سازیێن خواندنا بالا و پەروەردێ.