ل  ڕێکەفتی 27ی هەیڤا 4 ڕۆژا دوو شەمب، دەمژمێر 2:00 پشتی نیڤرۆ ل هولا CRC و ئامادەبوونا سەرۆکێ زانکویا جیهان-دهۆک (پ.د.زیرڤان عبدالمحسن اسعد) زۆر بەڕێز و هەردوو نڤیسەر و ڤەکۆلەرێن کورد "م.محسن عبدالرحمن" و "م.مصطفی ئەرەدنی". هەروەسان ب ئامادەبوونا 33 قوتابیێن گۆتار نڤیس ژ قوتابیێن زانکویا جیهان، ئاهەنگا ئیمزاکرنا بەرگێ 1ێ ژ پەرتووکا (بێدەرا گۆتارێن جیهان-دهۆک / Voices from Cihan: A Collection of Student Articles ) هاتە ئەنجامدان. ل دەستپێکێ سەرۆکێ زانکویێ زۆر بەڕێز ب پەیڤەکێ کەیفخوەشیا خوە دەڕبری ژ بۆ کارێ جوان و ژهەژی یێ ڤی گرۆپی نڤیسەران ئەنجامدای، و هەروەسان بەردەوامیا پشتەڤانیا سەرۆکایەتیا زانکویێ بۆ هەر کارەکێ نڤیسینێ یان ئەرشیڤکرنێ ڕاگەهاند. ژ هەژیە بێژین ئەڤە جارا ئێکێ یە پەرتووکەک ل سەر ئاستێ زانکو و پەیمانگەهان ژ بۆ گۆتارێن قوتابیان بهێتە چاپکرن و بەلاڤکرن. ئەڤەژی ژ بۆ وێ چەندێ د زڤڕیتە ڤە کو زانکویا جیهان-دهۆک پشتەڤانیا قوتابیێن خوە یێن بەهرەمەند دکەت.