ڕێزلێنان ل قوتابیێن پشکدار د ڕۆژا جیهانییا ژمێریاریێ دا

ب سەرپەرشتییا سەرۆکێ زانکۆیێ، پروفیسۆر دکتۆر زیرڤان عبدالمحسن أسعد، و ب دووڤچوونا ڕاستەوخۆ یا سەرۆکاتییا هەردوو بەشێن کارگێری و ژمێریاری و مامۆستایێن هێژا، ڕۆژا سێشەمبی ڕێکەفتی (٢٠٢٦/٢/٢٤)، باوەرنامەیێن ڕێزلێنانێ ل سەر کۆمەکا قوتابیێن خودان شیان هاتنە بەلاڤکرن، ئەوێن کو  پشکدار بووین د ڕێکخستن و سەرپەرشتییا چالاکیێن ڕۆژا جیهانییا ژمێریاریێ دا.

سەرۆکێ بەشی یێ هێژا (م. شڤان هادی علی) باوەرنامەیێن ڕێزلێنانێ پێشکێشی قوتابیان کێر، وەک بۆ ماندیبوونا وان و رۆلێ وان یێ بەرپرس د سەرکەفتنا ڤێ هەلکەفتا زانستی دا، کو نیشانەک بوو بۆ ئاستێ بلندێ هشیارییا ئەکادیمی و دەسپێشخەرییا قوتابیێن مە یێن خۆشتەڤی.

ئەڤ خەلاتکرنە وەک ڕێزگرتنەکە بۆ پێگری و هەڤکارییا وان یا ئاڤاکەر و ئەو گیانێ هەڤکاریێ یێ وان هەبووی، کو شوون تبلێن وان یێن دیار هەبوون د نیشاندانا ڤێ چالاکیێ دا و ب جوانترین شێوە، ب رەنگەکێ کو ئاستێ زانستی یێ هەردوو بەشان و زانکۆیێ دیار دکەت، و کولتۆرێ پشکدارییا کاری د چالاکیێن زانستی دا بێهێز دکەت.