ل ڕێکەفتی 22ی هەیڤا 2 ڕۆژا شەمبی. ب ئامادەبوونا هارێکارێ سەرۆکێ زانکویا جیهان-دهۆک (پ.د.بەیار محمد رشید) کومەکا سەرۆکبەش و ماموستا و قوتابیان ب خوشحالیڤە زانکویا جیهان-دهۆک ڕابوو ب ڕێکئێخستنا چەندین بڕگەیێن وێژەیی ل بیرەوەریا ڕۆژا (زمانێ داییک) ئەوژی، ل دەستپێکێ ڤەکرنا پێشانگەهەکا پەرتووکان ل ناڤ زانکویێ بۆ پەرتووکخانا (قوبەهان)کۆ بۆ دەمێ چەندین ڕۆژان دێ یا بەردەوام بیت. ڕێکئێخستنا پەنەلەکی بۆ سێ بەڕێزان ژ ب ڕێڤەبرنا "شیان مەهدی عەبدولڕەحمان"(بەرپرسێ ئەکادیمیا جیهان-دهۆک) مێهڤانێن پەنەلی: ماموستا و ڤەکولەر"جەمیل شێلازی" ل سەر بابەتێ ( تایبەتمەندییا دەڤۆکا دەڤەری ب ڕێیا تێکستێن فۆلکلۆری و پاراستنا زمانێ دایک"دەڤەرا بەهدینان وەک نموونە" ) ڕاوەستا. نڤیسەر و ڤەکۆلەر" هێرش کەمال ڕێکانی"ل سەر (رۆل و گرینگیدانا زانا و میرێن میرگەها بەهدینان ب زمانێ کوردی) ئاخفت. ماموستایێ زانکویێ "رەعەد عەبدولمەجید" باس ل بابەتێ (زمانێ کوردی ل عێراێی-چەند وێستگەهـ)کر. ل دویماهیێ ژی ڕەوشەنبیر و نڤیسەرێ کورد( موسەدەق تۆڤی) ژ ژلایێ سەرۆکایەتیا زانکویا جیهان-دهۆک ڤە هاتە خەلاتکرن. و سوپاسی و پێزانین دگەل لۆگۆیێن زانکویێ ب هەر سێ ماموستایێن مێهڤان هاتنە بەخشین.