روژا چارشەمبی رێككەفتی (30/4/2025) كولیژا یاسا بهەڤكاری دگەل بەشێ زانستێن كومپیوتەری ل زانكویا جیهان - دهوك رابوون ب رێكخستنا وركشوپەكێ بۆ هژمارەكا ئەفسەرێن ڤەکولینێ یێن سەر ب بنگەهێن پولیسێن پارێزگەها دهوكێ ڤە لدوور (دانانا سیستەمەكێ ئەلكترونی بۆ ئەنجامدانا كارێ ڤەكولینێ ل بنگەهێن پولیس و دادگەهان).

لدەستپێكێ راگرێ كولیژا یاسا پروفیسورێ هاریكار (د.رێبەر حسێن) ئارمانجێن ڤێ ووركشوپێ بۆ ئامادەبوویان دیاركرن و ئاماژە دا وێ چەندێ كۆ ددەمێ نوكە دا كارێ ڤەكولینێ ل بنگەهێن پولیسان و دادگەهان ب رێكێن كلاسیكی دهێنە ئەنجامدان و ئەڤەژی كارتێكرنەكا خراب دكەتە سەر مامەلەیان ژلایێ لەزاتیێ و دەمی و خەرجیان ڤە، لەورا پێدڤیە مفا ژ تەكنولوجیا نوی و زیرەكیا دەستكرد بهێتە وەرگرتن ژبۆ ئاسانكرنا كارێ ڤەكولینێ و بارسڤككرنا بارێ هاولاتی و حكومەتێ.

پاشان ماموستایێ بەشێ زانستێن كومپیوتەری بەرێز (خالد ابراهیم چاچان) رابوو ب پراكتیزەكرنا بكارئینانا تەكنولوجیا نوی د ڤەكولینێ دا ئەوژی ب كارئینانا چەندین پروگرامێن نوی و پیشكەفتی، و لدوماهیێ دەرگەهێ گفتوگو و پرسیاران بۆ ئامادەبوویان هاتە ڤەكرن.