بهەلكەفتا روژا جیهانیا (دادپەروەریا جڤاكی) كولیژا یاسا ل زانكویا جیهان - دهوك رابوو ب ئەنجامدانا ووركشوپەكی لژێر ناڤێ (رولێ پارێزەری د بەرجەستەكرنا دادپەروەریا جڤاكی)، ب مێهڤانداریا سەروكێ دادگەها تێهەلچوونا دهوكێ یێ بەرێ و سەروكێ لقێ دهوك یێ سەندیكا پارێزەرێن كوردستانێ.

ژبەری دەستپێكرنا وركشوپی ئامادەبووێن هێژا چەند چركەیەكان راوەستان وەك رێزگرتن بۆ گیانێ پاكێ شەهیدێن كوردستانێ، لدەستپێكێ راگرێ كولیژا یاسا پروفیسورێ هاریكار (د.رێبەر حسێن یوسف) پەیڤا بخێرهاتنێ پێشكێشكر و تیشكەك بەردا سەر روژا جیهانیا دادپەروەریا جڤاكی كۆ ژلایێ رێكخراوا نەتەوێن ئێكگرتی ڤە هاتیە دەستنیشانكرن. پاشان دەست ب تەوەرێن وركشوپی هاتە  كرن.

دتەوەرێ ئێكێ دا بەرێز دادوەر (محمد ئەمین شەرەفانی) سەروكێ بەرێ یێ دادگەها تێهەلچوونا دهوكێ باس ل رولێ پارێزەری كر د بەرجەستەكرنا دادپەوەریا جڤاكی دا وەك تمامكەرەك بۆ كارێ دادگەریێ، پاشان بەرێز پارێزەر (دلێر بەكر عبدالكریم) سەروكێ لقێ دهوك یێ سەندیكا پارێزەرێن كوردستانێ باس ل ئەرك و پێگیریێن پارێزەری كر و كارتێكرنا وێ لسەر پەیداكرن و جێبەجێكرنا دادپەروەریا جڤاكی.

پاشان دەرگەهێ گەنگەشێ و پرسیاران هاتە ڤەكرن، و لدوماهیا وركشوپی خەلاتێن رێزلێنانێ بۆ مێهڤانێن بەرێز هاتنە پێشكێشكرن ژلایێ بەرێز راگرێ كولیژا یاسا ڤە.