ل رێكه‌فتى 18/6/2025 د چارچووڤێ كونگرێ گه‌شه‌پێدانا به‌رده‌وام یێ جیهانى یێ دهێته‌ ئه‌نجامدان ل باژارێ ئیستانبوولێ ل وه‌لاتێ تۆركیا، كو تێدا شانده‌كێ زانكویا جیهان-دهوك ب سه‌رپه‌رشتیا به‌رێز (پ.د.زیرڤان عبدالمحسن أسعد) سه‌رۆكێ زانكویێ پشكداره‌، ل رۆژا سێ چه‌ندین روینشتنێن دى هاتنه‌ ئه‌نجامدان:

ـ روینشتنا ئێكێ:

شێوازێ به‌رهنگاریا قه‌یرانێن گشتگێر و رۆلێ خواندنا بلند، هاته‌ پێشكێشكرن ژلایێ (پ.د.مایك برنز-لی) ماموستایێ زانكویا لانكستر یا بریتانى.

روینشتنا دووێ:

راگه‌هاندنا فه‌رمى یا رێزبه‌ندیا (تایمز) یا زانكویێن سالا 2025، ب پشكداریا پتر ژ 2500 زانكویا لسه‌رانسه‌رى جیهانێ، یا پێگیر ب ئارمانجێن گه‌شه‌پێدانا به‌رده‌وام یا نه‌ته‌وه‌ێن ئێكگرتى (SDGs).

روینشتنا سێ:

ئافراندنا پاشه‌رۆژێ: پێگه‌هاندنا نفشێ داهاتى یێ سه‌ركردان ژ پێخه‌مه‌ت جیهانه‌كا به‌رده‌وام) كو هاته‌ پێشكێشكرن ژلایێ (د.نیكول روسو) نوینه‌رێ زانكویا IE ل باژێرێ سیغوفیا، وه‌لاتێ ئیسپانیا، و (د.ادم یاغییو روسیلوفسكى) رێڤه‌به‌رێ ئه‌كادیمى ل ده‌زگایێ (Innocamp Pl) ل پۆله‌ندا. و (د.اندریه‌ لیندنر) ژ زانكویا لایبزیغ ل ئه‌لمانیا، و (د.نازیه‌ خداج ملات) ژ زانكویا العین (AAU) ل وه‌لاتێ ئیماراتێ.

روینشتنا چوارێ:

رۆلێ خواندنا بلند د دیتنا وه‌لاتێ سعودیێ دا 2030، هاته‌ پێشكێشكرن ژلایێ (پ.د.احمد الیمانی) سه‌رۆكێ زانكویا (الامیر سلگان) ل وه‌لاتێ سعودیێ.

روینشتنا پێنجێ:

دروستكرنا هه‌ڤبه‌شیا كاریگه‌ر دناڤبه‌را ئه‌كادیمى و پیشه‌سازى و حكومه‌تێ بۆ ب ده‌ستڤه‌ئینانا ته‌ندرۆستى خۆشگۆزه‌رانیا جیهانى، ژلایێ هه‌ر ئێك ژ (د.توینكل بهادوری) ژ په‌یمانگه‌ها ئوستورالى یا كارگێرى، و د.(بولنت كیلیتش) سه‌رۆكێ كۆمه‌لا پسپوریێن ساخله‌میا گشتى ل وه‌لاتێ تۆركیا، و د.(فاریبا سویتن) رێڤه‌به‌رێ ڤه‌كۆلینان ل كۆمه‌لێن زانكویێن (ACU).