ل روژا دوشەمبی ڕیکەفتی 11/18/ 2024 كولیژا یاسا ل زانكویا جیهان - دهوك، رابوو ب ساخکرنا رۆژا جـیـهـانـی  یـــا قـەدەغـەکـرن و بەرهنگاربوونا تـاوانێـن رێـکخســتی یـێن سنوربەزین ئەوژی ب ئەنجامدانا پەنەلەكی ل ژێر ناڤونیشانێن (بەرهنگاربونا تاوانێن رێکخستی ل هەرێما کوردستانێ، ئارمانج و ئالنگاری). مەرەم ژڤێ چالاكیێ هوشیارکرن و پەرەپێدانا پالپشتی و ناساندنا تاوانێن رێکخستی یە، کو ئێکەمین جارە رۆژا جیهانی بۆ دهێتە ساخکرن ل جیهانێ. هەروەسا سەکویەکە بۆ دیاركرنا كار و ئەركێ نڤێسینگەها بەرهنگاربوونا تاوانێن رێكخستی و جورێن وان تاوانان.

دڤێ پەنەلێ  هەر ئێك ژ بەرێزێن خارێ دیاركری بابەتێن خۆ پێشكێش كرن:

لدەستپێكێ عەمیدێ ماف (د.نصرالدین سلیمان محمد/ رێڤەبەرێ نڤێسینگەها بەرهنگاربوونا تاوانێن رێكخستی ل دهوكێ). روونكرنەك دا سەر روژا جیهانیا بەرهنگاربوونا تاوانێن رێكخستی و ناساندنا جورێن ڤێ تاوانێ هەروەسا دیاركرنا كار و ئەركێ نڤێسنگەها ناڤبری. پاشان عەقیدێ ماف شاكر محمود میرانی/ ئەفسەرێ دەستەیا ڤەکولین و کومکرنا گروڤان و چارەسەریێ، روونكرنەك دا لسەر تاوانا جینوسایدێ وەك ئێك ژ تاوانێن رێكخستی وچەوانیا ئەنجامدانا ڤەكولینێ دڤان تاوانان دا ب تایبەت ئەوێن هاتینە ئەنجامدان لسەر برایێن ئێزدی ژلایێ گروپێن تیرورستیێن داعش ڤە.