د چارچووڤێ پشته‌ڤانیا به‌رده‌وام یا قوتابیان، زانكویا جیهان-دهۆك ل رێكه‌فتى 3/6/2025، كۆنفرانسێ دووێ یێ باشترین سمینارگێرێن قوتابیێن قوناغا ئێكێ ئه‌نجامدا، ب پشكداریا هژماره‌كا قوتابیان ژ كۆلیژ و به‌شێن زانكویێ.

رێكخستنا كونفرانسى ڤه‌دگه‌ریت بۆ راسپاردێن به‌رێز (پ.د.زیرڤان عبدالمحسن أسعد) سه‌رۆكێ زانكویێ، ب مه‌ره‌ما هاندانا قوتابیان بۆ گه‌شه‌پێدانا شیان و به‌هره‌یێن ڤه‌كۆلین و دویفچوونا زانستى و ئه‌كادیمى، و درۆستكرنا ژینگه‌هه‌كا پالده‌ر ل دۆر هه‌ڤركیا زانستى یا ئه‌رێنى.

قوتابیێن پشكدار هژماره‌كا بابه‌تان پێشكێشكرن، ل دویف هژماره‌كا پیڤه‌رێن زانستى یێن گرێدايى ناڤه‌رۆك، هۆنه‌رێ پێشكێشكرنێ، و شێوازێ شرۆڤه‌كرن و هزركرنا ره‌خنه‌گر يا ئاڤاكه‌ر.

 پشتى بدوماهى هاتنا سمینارێن پشكداران، دێ ژلایێ لژنا سه‌رپه‌رشت هێنه‌ هه‌لسه‌نگاندن، پاشان د ریوره‌سمه‌كێ ژ هه‌ژى دا باوه‌رنامێن پشكداربوون و سه‌ركه‌فتیان هێنه‌ دابه‌شكرن.

زانكویا جیهان-دهۆك جه‌خت ل وێ چه‌ندێ دكه‌ت كو ب رێیا كونفرانس و چالاكیێن زانستى به‌رده‌وام دێ پشته‌ڤانیا هێز و شیانێن گه‌نج و قوتابیان كه‌ت بۆ پێشڤه‌برنا به‌هره‌یێن وان، هه‌ر وه‌سا به‌رده‌وام دێ كار كه‌ت ژ بۆ دابینكرنا ژینگه‌هه‌كا زانستى و ئه‌كادیمى ل دویف گوهرینێن سه‌رده‌م ب مه‌ره‌ما پێگه‌هاندن و به‌رهه‌مئینانا نفشه‌كێ تێگه‌هشتى و داهێنه‌ر.