كۆلیژا په‌رستارى ل زانكویا جیهان-دهۆك، خۆله‌كا راهێنانا پیشه‌یى د چارچووڤێ ده‌زگایێ زه‌كاتا زانستى دا ب دوماهى ئینا

ل رێكه‌فتى 31/8/2025، ل دویف راسپاردێن به‌رده‌وام یێن به‌رێز (پ.د.زیرڤان عبدالمحسن أسعد) سه‌رۆكێ زانكویێ، سه‌باره‌ت گرنگى دان ب پرۆژێ ده‌زگایێ زه‌كاتا زانستى د بوارێ به‌رنامێ هۆشیارى و پێگه‌هاندنێ، كۆلیژا په‌رستارى خۆله‌كا راهێنانا پیشه‌یى ب دوماهى ئینا ل ژێر ناڤ و نیشانێن " قۆناغێن پێش و پاش زارۆكبوونێ: تێگه‌هشتنا كلینكى و پێرابوونێن پراكتیكى"، كو بۆ ماوێ 3 رۆژان یا به‌رده‌وام بوو، و دهاته‌ پێشكێشكرن ژلایێ خانم (د.لانا حكمت نشأت).

راهێنانێ بوار و ته‌وه‌رێن جودا جودا شرۆڤه‌ و گه‌نگه‌شه‌كرن، ژ هه‌ردوو لایێن تیورى و كلینیكى یێ پرۆسا پێش و پاش زارۆكبوونێ، پشكدارێن خۆلێ هاتنه‌ راهێنانكرن ل دۆر قۆناغێن فیزیۆلۆژى یێن زارۆكبوونێ، دگه‌ل په‌یداكرنا شاره‌زاییا چاڤدێرى و دابینكرنا كه‌ره‌سته‌ ئامیرێن پێشكه‌فتى و ئاست بلند یێن گونجایى بۆ لایه‌نێ كلینیكى.