ل روژا چارشەمب 20/5/2026، ل ژێر چاڤدێریا بەرێز (پ.د.زیرڤان عبدالمحسن أسعد) سەرۆکێ زانکویا جیهان-دهۆک، ب مەرەما بەرز راگرتنا ماندیبوونا قوتابیێن قۆناغا چوارێ، بەشێ شیکارییا نەخوشییان ڕێوڕەسمێ ل بەرکرنا جلی سپی بۆ قوتابیێن قوناغا چارێ ب سەرپەرشتیا (م.هـ.ئاڤا حمدی) گێڕا، کو ئەڤ جلێ سپی سیمبولێ بەرپرسیارەتی و پاقژییا کارێ مرۆڤایەتی یە.

بڕگەیێن ڕێوڕەسمان:

ـ پەیڤا سەرۆکا بەشی: پێشکێشکرنا پیرۆزباهی و شیرەتێن گرنگ بۆ قوتابیان بۆ پاشەڕۆژەکا گەش.

ـ ڕێزلێنان ل مامۆستایان: پێشکێشکرنا خەڵاتێن ڕێزلێنانێ بۆ مامۆستایان وەک وەفاداریەک بۆ ماندیبوونا وان.

ـ ل بەرکرنا جلی سپی و خەڵاتکرنا قوتابیان: ل بەرکرنا (Lab Coat) و دابەشکرنا باوەرنامێن ڕێزلێنانێ و دیارییان لسەر هەمی قوتابیان.

ـ سۆیندا پزیشکی: خواندنا سویندا پزیشکی و یاسایی ب شێوەیەکێ پێکڤەیی بۆ دڵسۆزیێ د کارێ پاشەڕۆژێدا.

ل دۆماهییێ، هیڤییا سەرکەفتن و پاشەڕۆژەکا پڕی دەستکەفت بۆ هەمی قوتابیان هاتە خواستن.