30 کچێن دەرچوویێن زانکو و پەیمانگەها د خولەکێ دا ل زانکویا جیهان-دهوک:
ئەڤرۆ رێکەفتى (16-6-2021) ب ئامادەبوونا بەرێزان (پرۆفیسورێ هاریکار د.زێرڤان عبدالمحسن أسعد) سەرۆکێ زانکویێ، و بەرێز (پرۆفیسور د.ابراهیم أحمد سمو) راوێژکارێ دەستەیا ئەمینداریا زانکویێن جیهان، و هژمارەکا سەرۆک بەش و ماموستایان، سەنتەرێ جیهان یێ رەوشەنبیرى دەست ب رێ و رەسمێن ڤەکرنا خولەکێ کر ب هەماهەنگى دگەل ئەنجومەنێ دهوک یێ ئێکەتیا ئافرەتێن کوردستانێ ل ژێر ناڤ و نیشانێن (بهێزکرنا CV) بۆ بابەتێن (زمانێ ئنگلیزى، کومپیوتەر، گەشەپێدانا مرۆڤى) بۆ 30 کچێن دەرچوویێن زانکو و پەیمانگەها کو بۆ ماوێ (15) رۆژان دێ یا بەردەوام بیت، د پەیڤەکێ دا بەرێز سەرۆکێ زانکویێ ئاماژە ب گرنگیا زانکویێ وەکو ئێک ژ سازیێن پێگەهاندنا تەخ و چینێن جودا جودا یێن جڤاکى، و پشتەڤانیا خۆ بۆ خولێن ئاڤاکرنا کەسایەتى و پێشڤەبرنا ئاستێ رەوشەنبیری یێ بەشداربوویان کر، هەروەسا بەرێز راوێژکارى جەخت ل وێ یەکێ کر کو زمان و کومپیوتەر بووینە ئێک ژ ئالاڤێن پێشکەفتنا تاک و جڤاکان و دەستخوشى ل دەستپێشخەریا زانکویێ کر ژ بۆ خزمەتکرناپێکهاتێن جڤاکى، د تەوەرەکێ دا خانم (خەلات جەمال) پەیڤا ئەنجومەنێ دهوک یا ئێکەتیا ئافرەتێن کوردستانێ پێشکێشکر و سوپاس و رێزگرتنێن دەستەیا ئەنجومەتى ئاراستەیى زانکویێ کرن ژ بۆ گرنگى وان ب پێگەهاندنا ئافرەتان و پێشڤەبرنا شیان و بهێزکرنا زانیاریێن وان ل دویف پێشڤەچوونێن بلەز یێن جیهان تێدا دەرباز دبیت.