نظّم كلية القانون في جامعة جيهان – دهوك وبالتعاون مع مكتب الأدلة الجنائية في مديرية شرطة محافظة دهوك نشاطًا علميًا بعنوان (الأدلة الجنائية ودورها في كشف الحقيقة)
ل روژا ئێكشهمبى رێككهفتى (30-11-2025) كولیژا یاسا ل زانكویا جیهان – دهوك ب ههڤكارى دگهل نڤێسینگهها بهلگهیێن تاوانێ ل رێڤهبهریا پولیسێن پارێزگهها دهوكێ رابوون ب ئهنجامدانا چالاكیهكا زانستى و پراكتیكى لدوور (چهوانیا بدهستڤهئینانا بهلگهیێن تاوانى و ئاشكراكرنا تاوانبارى).
ئهڤ چالاكیه هاته ئهنجامدان ب سهرپهرشتیا راگرێ كولیژا یاسا پروفیسورێ هاریكار (د.رێبهر حسێن) و ب ئامادهبوونا بهرێز عهقیدێ مافپەروەر (حسن أحمد بكر) بهرپرسێ نڤێسینگهها بهلگهیێن تاوانى و عهقیدێ مافپهروهر بهرێز (د.محمود مراد ابراهیم) بهرپرسێ بهشێ هۆبا یاسایى ل رێڤهبهریا پولیسێن پارێزگهها دهوكێ و ماموستایێ وانهبێژ ل كولیژا یاسا ل زانكویا جیهان – دهوك. ب مهرهما ئاشناكرنا قوتابیان ب لایهنێن تهكنیكى ویاسایى یێن گرێدایى ب پێرابوونێن ڤهكولینا تاوانى.
ئهڤ چالاكیه یا پێكهاتى بوو ژ پێشكێشكرنا سمینارهكێ لدوور (بهلگهیێن تاوانى) ژلایێ عهقیدێ ماف (حسن أحمد) و عهقیدێ ماف (د.محمود مراد)، پاشان پێرابوونێن پراكتیكى هاتنه ئهنجامدان لدوور چهوانیا كومكرنا بهلگهیێن تاوانى و كومكرنا وان و شلوڤهكرنا وان لدیڤ رێكێن زانستى یێن نوى.
ههروهسا دڤێ چالاكیێ دا چهندین نمونهیێن پراكتیکی هاتنه پیشاندان وهك (راكرنا شین تبلان و خوین و چهك و بهلگهیێن دیتر) كۆ دهلیڤهكا باش بۆ قوتابیان هاته رهخساندن ژبۆ تێگههشتنا لایهنێ تهكنیكى و یاسایى یێ بهلگهیێن تاوانى، و لدوماهیێ دهلیڤه بۆ قوتابیان هاته دان بۆ پێشكێشكرنا پرسیاران.
