زانکویا جیهان-دهوک د چارچۆڤێ (زانکو و قۆتابخانە) تمامکەرێن هەڤدۆنە بەردەوامە د خزمەتێن پەروەردەیی دا ل سەر ئاستێ پارێزگەها دهوکێ:

ئەڤرۆ رێکەفتی (23/8/2022) زانکویا جیهان-دهوک ب ئامادەبوونا بەرێزان (پ.هـ.د. زێرڤان عبدالمحسن اسعد) سەرۆکێ زانکویێ، و بەرێز (پ.د.ابراهیم احمد سمۆ) ڕاوێژکارێ دەستەیا ئەمینداریا زانکویێن جیهان پێشوازی شاندەکێ ڕێڤەبەریا گشتی یا پەروەردا پارێزگەها دهوک ب سەرپەرشتیا بەرێز (مامۆستا عمر علی تەها) رێڤەبەرێ گشتی و ب بەشداریا هەر ئێک ژ ڕێزداران رێڤەبەرا مەشق و ڕاهێنانێ، رێڤەبەرا پەروەردا رۆژهەلات، رێڤەبەرێ پەروەردا ڕۆژئاڤا، و ڕێڤەبەرێ پەروەردا ڤەزا سێمێل.

ب مەرەما پتر ئاگەهداربوون لسەر ب رێەڤەچوونا خۆلا بهێزکرنا شیانێن رێکێن وانەگۆتن و تەکنولوجیا زانیاریان بۆ مامۆستایێن قۆتابخانێن لسنورێ پەروەردێن ناڤبری، لسەردەمێ ئەڤرۆ گۆڕانکاری و میکانزمێن جودا جودا دهێنە پەیرەوکرن لسەر ئاستێ جیهانێ د بیاڤێ پەروەردە و فێرکرنێ دا، لەوما ب دەستپێشخەریا سەڕۆکاتیا دەستەیا ئەمینداریا زانکویێن جیهان، و سەرپەرشتیا ئێکسەر یا سەۆکێ زانکویا جیهان-دهوک و ل ژێر چاڤدێریا لژنەکا چاڤدێر خۆلا ناڤبری دێ بۆ ماوێ شەش حەفتیان یا بەردەوام بیت.

ژلایێ خۆ بەرێز سەرۆکێ زانکویێ جەخت ل پلانا زانکویێ کر ژ بۆ پتر پێشکێشکرنا خزمەتێن پەروەردەیی ب رێیا مامۆستایێن ڕاهێنەر وەک ئەرکەکێ زانستی ل پارێزگەها دهوکێ ب تایبەت بۆ تەخا مامۆستایان وەکو رێنیشاندەر و ئامرازێن پێگەهاندنا نفشێ  نوکە و پاشەرۆژێ.

 هەروەسا بەرێز رێڤەبەرێ گشتی یێ پەروەردێ سۆپاس و پێزانینێن شاندێ ناڤهاتی ئاراستەی سەڕۆکاتی و رێکخەر و مامۆسایێن پشکدار د خۆلێ دا کر ژ بۆ خەمخۆریا وان ل هەمبەر ماندیبوون و دلسۆزیا وان ژ بۆ پێشڤەبرن و بهێزکرنا بەهرەو شیانێن گەهاندنا زانیاریان ل دویف پیڤەرێن ستانداردێن جیهانی.