خۆلا گەشەپێدانا مرۆڤی یا 70 مامۆستایێن ئایینی ل قەزا شێخان ب دویماهیک هات:

ل رێکەفتی (7/9/2023) دەرئەنجامێ کار و چالاکیێن خۆبەخش یێن سەنتەرێ زەکاتا زانستی ب دەستپێشخەریا دەستەیا ئەمینداریا زانکویێن جیهان و ل ژێر سەرپەرشتیا ئێکسەر یا بەرێز (پ.هـ.د.زێرڤان عبدالمحسن اسعد)  سەرۆکێ زانکویێ، خۆلا بهێزکرنا شیانێن مامۆستایێن ئایینی یێن سەر ب رێڤەبەریا ئەوقافا قەزا شێخان ب دویماهیک هات، پێک د هات ژ 70 مامۆستایێن گۆتاربێژێن مزگەفتان ب هەماهەنگی دگەل رێڤەبەریا گشتی یا ئەوقاف و کارۆبارێن ئایینی پارێزگەها دهوکێ هاتیە ڤەکرن.
بەرێز (ماموستا محمد خالد محمد)  رێڤەبەرێ گشتی یێ ئەوقاف و کارۆبارێن ئایینی د پەیڤەکێ دا سۆپاسیا سەرۆکاتی و لژنا سەرپەرشتا زانکویێ و رێڤەبەریێ کر و دەستخۆشی ل خزمەت و ماندیبوونا مامۆستایێن وانە پێشکێشکرین کرن، و هیڤی خواست کو مفا ژێ هاتبیتە وەرگرتن ل دەمێ گۆتاربێژیێ و سەرەدەریکرن دگەل خەلکی و جڤاکی.