دەزگایێ پەروەردەیى جیهان د بێهنڤەدانا هاڤینێ دا ڕێ و ڕەسمێن خۆلا 8ێ بدوماهیک ئینا:

ئەڤرۆ رێکەفتى (28/8/2022) زانکویا جیهان-دهوک دەستپێشخەریا بەرێز (پ.هـ.د.زیرڤان عبدالمحسن أسعد) سەروکێ زانکویێ و ب مەرەما مفا وەرگرتن ژ بێهنڤەدانا هاڤینێ و پێشکێشکرنا پتر خزمەتێن زانستى، پەروەردەیى، فێرکارى بۆ تەخ و چینێن جودا جودا یێن جڤاکى، شیان خۆلا 8ێ ب دوماهیک بینیت، لەوما ئەڤرۆ خۆلا (پەرستارى) کو ژلایێ کولیژا زانستێن تەندرۆستى دهاتە سەرپەرشتیکرن باوەرنامێن پشکداربوونێ لسەر بەشدارا دابەشکرن.

خۆل بۆ ماوێ حەفتیەکێ یا بەردەوام بوو، ب پشکداریا هژمارەکا ڕاهێنەرێن خاچا سورا نیڤدەولەتى دگەل هژمارەکا پسپورێن پەرستارى کو رۆژانە 4 دەمژمێر دهاتنە پێشکێشکرن هەردوو بوارێن تیورى و پراکتیکى.

بابەتێن هاتینە پێشکێشکرن پێک دهات ژ (ڤێراگەهشتنێن دەستپێکى، برینپێچى، خوین بەربوون، هوشى و بێ هوشى، شکەستن، دەرزیک دانان، سوتن...). کو ب سەرپەرشتیا لژنەکا پێکهاتى ژ کولیژا زانستێن تەندروستى ب رێکخەریا (د. کاژین حسن جاسم) سەرۆک بەشا شیکاریا نەخوشیان، دگەل هژمارەکا ماموستا و ڕاهێنەرێن پسپور ب هەماهەنگى دگەل خاچا سورا نیڤدەولەتى.