بەشێ پەروەردا گشتى ئێکەم کۆنفرانسێ دەستنیشانکرنا پسپوریێ ئەنجامدا:

ل رێکەفتى (12/9/2022) بەشێ پەروەردا گشتى ل زانکویا جیهان-دهوک ئێکەم کونفرانسێ دەستنیشانکرنا پسپوریێ بۆ قوتابیێن قوناغا ئێکێ ئەنجام دا و 6 ماموستایێن پسپۆر د بوارێن (دەروونناسى و زمانێ ئنگلیزى دا) بەشداربوون.

مەرەم ژ ئەنجامدانا کونفرانسى:
بەشێ پەروەردا گشتى ل سالا (2020-2021) ب دەستپێشخەریا بەرێز (پ.هـ.د.زیرڤان عبدالمحسن أسعد) سەرۆکێ زانکویا جیهان-دهوک هاتیە دامەزراندن و ئێکەم گەرا قوتابیان وەرگرت، نوکە قوتابى ل قوناغا سێ بەردەوامیێ ددەنە خواندنێ.
بەشێ پەروەردا گشتى ل قوناغا ئێکێ ب شێوەیەکێ گشتى دهێتە خواندن، و ل قوناغا دووێ ئێک ژ پسپۆریێن (دەروونناسى، زمانێ ئنگلیزى) دێ دەستنیشان کەن.
لەوما بۆ سالا نوى یا خواندنێ ب مەرەما هەلبژارتنا پسپوریێ لسەر بنەمایەکێ زانستى، ئەکادیمى کونفرانسێ ئێکێ یێ بەشێ پەروەردا گشتى هاتە ئەنجامدان و 6 بابەت هاتنە شروڤەکرن و گەنگەشەکرن ژلایێ بەرێزان:
پسپوریا دەروونناسى.
ـ پ.د.صابر عبدالله/ رێڤەبەرێ سەنتەرێ ڤەکولینێن پەروەردەیى/ زانکویا دهوک.
ـ پ.هـ.د. ئالان جمیل/ سەرۆکێ پشکا دەروونناسى ل کولیژا زانستێن مرۆڤایەتى/ زانکویا دهوک.
ـ م.هـ.على عبدالقادر/ ماموستایێ بەشێ پەروەردا گشتى/ زانکویا جیهان-دهوک.

پسپوریا زمانێ ئنگلیزى:
ـ د.نەوروز رمضان خلیل/ سەرۆکا بەشێ زمانێ ئنگلیزى/ زانکویا جیهان-دهوک.
ـ د.احمد خلیل/ ماموستایێ بەشێ زمانێ ئنگلیزى ل زانکویا جیهان.
ـ د.ئازاد نایف/ ماموستایێ بەشێ پەروەردا گشتى/ زانکویا جیهان-دهوک.

شەش تەوەر ل دۆر گرنگى و رۆل و پێگەهێ هەردوو پسپوریێن (دەروونناسى و زمانێ ئنگلیزى) هاتنە گەنگەشەکرن و شرۆڤەکرن، و پشتى هەر بابەتەکى دەرگەهێ دانوستاندنێ ژلایێ قوتابیان هاتە ڤەکرن.

پشتى ب دوماهیک هاتنا کونفرانسى فورمێن هەلبژارتنا پسپوریێ لسەر قوتابیان هاتنە دابەشکرن، ل دویف شیان و حەزا خۆ دێ پسپوریێ هەلبژێرن.