Jun 11, 2022 | دەنگ و باس
سەرەکی > گوتار > دەنگ و باس > سەنتەرێ ڤەکولینا ل زانکویا جیهان-دهوک ویبینارەک لسەر شێوازێ ئۆنلاین ل ژێر ناڤ و نیشانێن: پەتايا مەیمینکا و نەخۆشیا لیشمانیا دناڤبەرا دەستنیشانکرن و خۆپاراستن و کۆنترۆلکرنێ دا
سەنتەرێ ڤەکولینا ل زانکویا جیهان-دهوک ویبینارەک لسەر شێوازێ ئۆنلاین ل ژێر ناڤ و نیشانێن: پەتايا مەیمینکا و نەخۆشیا لیشمانیا دناڤبەرا دەستنیشانکرن و خۆپاراستن و کۆنترۆلکرنێ دا

ل رێکەفتى 9/6/2022 سەنتەرێ ڤەکولینا ل زانکویا جیهان-دهوک ب هەماهەنگى دگەل بەشێ شیکاریا نەخۆشیان، ویبینارەک لسەر شێوازێ ئۆنلاین لسەر (Google Meet) ل ژێر ناڤ و نیشانێن "پەتايا مەیمینکا و نەخۆشیا لیشمانیا دناڤبەرا دەستنیشانکرن و خۆپاراستن و کۆنترۆلکرنێ دا" ب مێهڤانداریا:

- پروفیسۆرا هاریکار د.نجلاء فتحی / پەیمانگەها ڤەکولینێن پزیشکی ل زانکویا ئەسکەندەریە. 
- پروفیسۆرا هاریکار د. منى طلبه / پەیمانگەها ڤەکولینێن پزیشکی ل زانکویا ئەسکەندەریە. 
ب ئامادەبوونا هژمارەکا پسپوران د بوارێ پزیشکى و بایولوجى دا ژ زانکویێن جودا جودا.

بابەت ب ڤى شێوى هاتە گەنگەشەکرن:
نەخوشیا لشمانیا، یان دبێژنێ (leishmaniasis) هاتە گەنگەشەکرن و کورتیەک ل دۆر مێژوو و دەڤەرێن هەبوونا ڤێ ئێشێ هاتە دیارکرن، هەروەسا باس ل ئەگەرێن دیاربوون و مێشومۆڕا بەلاف دکەت هاتە کرن.
ـ هەروەسا ب بەرفرەهى باس ل نیشانێن تۆشبوون ب هەمى جورێن ڤێ ئێشێ هاتە کرن.
ـ هەروەسا باس ل رێکێن نوى یێن دەستنیشانکرنا ڤێ نەخۆشیێ هاتەکرن، و نموونێن کارتێکەر بۆ ئەنجامێن پشکنینا تاقیگەهێ هاتنە شرۆڤەکرن.
ـ زێدەبارى ئاماژە ب شرۆڤەکرنا رێکێن دەستنیشانکرنێ هاتە کرن وەکو نویترین رێکێن دەستنیشانکرنا ڤێ نەخوشیێ.
ـ هەروەسا د. منى گلبه باس ل رێکێن خۆ پاراستنێ و چارەسەریێ هاتە کرن.

بەشێ دووێ ژ وبیبینارى:
ـ پەتایا مەیمینکا Monkeypox :
ـ ئەڤ ڤایروس و نەساخى یە هاتە گەنگەشەکرن دگەل فاکتەرێن دیاربوون و سەرهلدانا ڤێ نەخوشیێ، و مێژوو و جه و مێژوویا ئێکەم تۆمارکرنا تۆش بوون ب ڤێ ڤایرۆسى هاتە کرن.
ـ باس ل رێکێن ڤەگوهاستنا ڤێ نەخوشیێ هاتە کرن ژ گیانەوەران بۆ مرۆڤان، و شێواز و ئامرازێن ڤەگوهاستنێ ژ کەسەکى بۆ کەسەکێ دى، و ئەو چ نیشانن بۆ ئێکەم جارا دیار بیت کو هەلگرێ ڤێ نەخوشیێ نە.
ـ جیاوازى دناڤبەرا ڤى ڤایرۆسى و ڤایروسێن دى بتایبەت ڤایرۆسێ کوڤید 19.
ـ هەروەسا ئاماژە ب ئەگەرێن بەربەلاڤبوونا ڤێ نەخوشیێ هاتە کرن هەروەکو ڤایرۆسێ کوڤید 19.
ـ زێدەبارى باس ل رێکێن دەستنیشانکرنا تاقیگەهێن کلاسیک هاتە کرن و رێکێن خۆ پاراستن و چارەسەرى و وەرگرتنا ڤاکسینى.
ـ پاشان باس ل جیاوازیا ڤاکسینێن تایبەت دگەل ڤاکسینێن گرێدایى ڤێ خێزانا ڤایروسا هاتە کرن.
ـ ل دوماهیێ روینشتن ب راسپاردێن شێوازێ سەرەدەرى کرن دگەل کەسێ تووشبووى و چاوانیا ڤەدەرکرن و چارەسەرکرنا نەخوشى هاتە کرن.