پارێزگەها دهوکێ ناڤەندا پێکڤەژیان و لێبورینێ یە

by / Sunday, 29 December 2019 / Published in University Activities
Dr. Zeravan

ب هەلکەفتا جەژنا ژ دایکبوونا حەزرەتێ مەسیح (عیسى پێغەمبەر) سلاڤێت خودێ لێ بن، سەرۆکاتیا زانکویا جیهان-دهوک بناڤێ گشت ماموستا و فەرمانبەر و قوتابیان پیرۆزباهیان ل گشت کریستیانێن کوردستانێ و عیراقێ و جیهانێ دکەین، بێ گومان خوشک و برایێن کریستیان هەردەم ئێک ژ پێکهاتێن هەرە سەرەکى و هەڤپشک بووینە مل ب ملێ پێکهاتێن ئولى و نەتەوەیى یێن گەلێ کوردستانێ کو د خوشى و نەخوشیاندا ب هەڤڕا بووینە.
هەرێما کورستانێ ب هیمەتا سەرکردایەتیا کوردى و خۆڕاگرى و دلسۆزیا پێشمەرگێن چاڤ نەترس و دەزگەهێن ئێمناهیێ و سەرێ سایا هزاران خورت و لاوێن هەبوون و گیان و خوشى و مانا مە ژ هەر تشتەکى گرنگتر دانایى کو ئەڤرۆ گشت پێکهاتە ب ئازادانە رێ و رەسم و جەژن وهەلکەفت ویادەوەریێن خۆ یێن ئایینى و داب و نەریتێن خۆ یێن تایبەت دگێرن کو ئەڤەژى ڤەدگەریت بۆ بیروباوەرێن خەلکێ مە یێ خۆشتڤى ب پرنسیپێن مافێ مرۆڤ و بنەمایێن سەرەکى یێن ژیانێ.
بێ گومان مەردینى و دلسۆزیا خەلکێ خۆڕاگرێ پارێزگەها دهوکێ جهێ رێز و سوپاسیێ یە کو هەردەم خۆ ب هەلگرێن خەم و ئاستەنگێن خوشک برایێن ئول و ئایینێن جودا جودا زانى یە، مینا حەواندن و پێشکێشکرنا دەستێ هاریکارى و ئاسانکاریان وەکو هەلویستەکێ مرۆڤایەتى.
لەوما ئەم وەکو زانکو کو ئێک ژ سازی و دەزگایێن هەرە بلند دێ هەردەم کارکەین ژ بۆ پێگەهاندن و فێرکرنا نفشەکێ ئاڤاکەر و بەرهەم هێنەر لسەر هەردوو بنەمایێن زانست و پەروەردەکرن لسەر هەڤدووقەبوول کرن و پێگڤەژیان و لێبورینێ و دێ د بەردەوام بین .
دووبارە بناڤێ زانکویا جیهان-دهوک جەژنا هەوە پیرۆزبیت و هەمى رۆژێن هەوە جەژن و خۆشى بن، ئومێدەوارین ئەڤ هەلکەفتە ببیتە هاندەرێ موکومکرنا پەیوەندیان و هەردەم پاراستنا پارێزگەها دهوکێ وەکو نموونا پێگڤەژیانێ.
د.زیرڤان عبدالمحسن اسعد
سەرۆکێ زانکویا جیهان-دهوک

TOP