سەنتەرێ جیهان یێ رەوشەنبیری سمینارەک لدور بکارئینانا کەرەستەیێن بێهوشکەر ئەنجامدا

by / Monday, 29 April 2019 / Published in University Activities 2
4

بەرهنگاربوونا کەرستێن بێ هوشکەر د پانێلەکى دا ل زانکویا جیهان-دهوک
ل رێکەفتى (29/4/2019) زانکویا جیهان-دهوک ب ئامادەبوونا بەرێز پروفیسورێ هاریکار (د.زیرڤان عبدالمحسن) سەرۆکێ زانکویێ و هژمارەکا سەرۆک بەش و ماموستایان و فەرمانبەر و قوتابیان، و ل دویف رێنما و راسپاردێن وەزارەتا خواندنا بالا و ڤەکولینێن زانستى ب مەرەما گرنگى دان ب ئەنجامدانا سمینار و پەنەل وورک شوپ و کونفرانسان ل سازیێن خواندنێ ژ بۆ بەرهنگاربوونا ماددێن بێ هوشکەر، لەوما سەنتەرێ جیهان یێ رەوشەنبیرى ب هەماهەنگى دگەل رێڤەبەریا تەندروستى و سلامەتى پانێلەکێ زانستى ل دور بەرهنگاربوونا مادێن بێ هوشکەر هاتە ئەنجامدان ب بەشداریا بەرێزان
ـ (د.هەوار نێروەیى) ماموستایێ زانکویێ ل دۆر کارتێکرنا کەرەستێن مادێن بێ هوشکەر ژلایێ سیاسى ڤە لسەر هەرێما کوردستانێ و هنارتنا ڤان کەرەستان ژلایێ وەلاتێن جودا جودا
ـ ماموستا (کاوە عبدالعزیز) ماموستایێ زانکویێ، ل دور کارتێکرنا ب کارئینانا ڤان کەرەستان لسەر خێزانێ ب تایبەتى و ل سەر جڤاکى ب گشتى، و ئەو مەزاختیێن ب هەدەر دچن ژ بۆ کرین و پەیداکرنا ڤان ماددێن بێ هوشکەر و کارتێکرنا وان لسەر تێکدانا سیستەمێ ژیانێ داناڤا خێزانێ دا
ـ چالاکڤانێ مەدەنى (دلگەش نێروەیى)، وەکو ئێک ژ قوربانیێن بکارهێنەرێن ڤان کەرەستێن بێ هوشکەر، و باسکرنا چاوانیا توش بوون و رێکێن خو رزگارکرن ژ ڤان کەرەستان
ل دوماهیێ چەندین پێشنیار و بووچوون و گەنگەشە لسەر بابەتێ ناڤبرى هاتە کرن ژلایێ ئامادەبوویان ڤە
ـ پێشنیار هاتەکرن ژ بۆ ئامادەکرنا نامیلکە و پەرتوکان بۆ سازیێن خواندنێ و گرنگى ب خواندنا وان بهێتە کرن ب مەرەما بەلاڤکرنا رێنما و یاسایێن گرێدایى کارتێکرن و زیانێن کەرەستێن بێ هوشکەر لسەر پاشەرۆژا گەنجان و تێکدانا بنەمایێن ژیانەکا ئارام و بەختەوەر

TOP