زانکویا جیهان-دهوک و گرنگى دان ب پەیوەندیێن زانستى و ئەکادیمى

by / Friday, 29 March 2019 / Published in University Activities 2
4

ل رێکەفتى (27/3/2019) شاندەکێ زانکویا جیهان-دهوک یێ پێکهاتى ژ بەرێزان بروفیسورێ هاریکار (د.زیرڤان عبدالمحسن) سەرۆکێ زانکویێ، و بەرێز پروفیسور (د.ابراهیم احمد سمو) راوێژکارێ دەستەیا ئەمینداریا زانکویێن جیهان، و ب بەشداریا هژمارەکا سەرۆک بەشان، سەرەدانا پەیمانگەها تەکنیکى دهوک یا تایبەت کر و هاتنە پێشوازیکرن ژلایێ بەرێز (د.اراز رجب) راگرێ پەیمانگەهێ و ستافێ ماموستا و فەرمانبەران. سەرەرایى کارێ سەرەکى یێ زانکویا جیهان-دهوک بلندکرنا ئاستێ زانستى یێ قوتابیان و ئاڤاکرنا و پێگەهاندنا قوتابیەکێ ژیر و خودان بەرهەم بۆ خزمەتکرنا جڤاکى، لێ دگەل هندێ کار دکەت ژ بۆ پێشڤەبرنا پەیوەندیێن ئەکادیمى و زانستى دگەل زانکو و پەیمانگەهێن حکومى و تایبەت لسەر ئاستێ هەرێما کوردستانێ و وەلاتێن هەرێمى و نیڤدەولەتى، لەوما پەیمانگەها تەکنیکى دهوک ئێک ژ وان سازییانە یێن زانکویا جیهان پێش ماوەیەکى پروتوکولەکا لێک تێگەهشتنێ دگەل ئیمزا کریە ب مەرەما مفا وەرگرتن ژ پروگرامێ خواندن و ستافێ وانەبێژ، لێک گوهارتنا شیانێن هەڤدوو، و مفا وەرگرتن ل دەمێ ئامادەکرن و نڤیسینا پرۆژێن دەرچوونێ یێن قوتابیێن قوناغا دویماهیێ یێن قوتابیێن هەردوولا. پشتى گەنگەشەکرنا چەندین تەوەر و بابەتێن جودا جودا، گەریانەک دناڤا پەیمانگەهێ ئەنجامدا و ل نێزیک هایدارى رەوشا قوتابى و رێڤەبەرى و یەکەیێن پەیمانگەهێ بوون، و داخازا بەردەوامى و پێشڤەبرنا ڤان پەیوەندیان هاتە کرن.

TOP