زانکویا جیهان – دهوک و موکم کرنا پەیوەندیان

by / Monday, 04 February 2019 / Published in University Activities
Health (3)

شاندەکێ زانکویا جیهان-دهوک پێک هاتبوون ژ بەرێزان پروفیسورێ هاریکار (د.زیرڤان عبدالمحسن) سەرۆکێ زانکویێ، وبەرێز پروفیسۆر (د.ابراهیم احمد سمو) راوێژکارێ دەستەیا ئەمینداریا زانکویێن جیهان ب هەڤالینیا هژمارەکا سەرۆک بەش و رێڤەبەرێن یەکەیێن زانکویێ ب مەرەما پێشڤەبرنا پەیوەندیان دگەل کەرتێ حکومى، ل رێکەفتى (3/2/2019) سەرەدانا قائیمەقامیا قەزا دهوک کرن و هاتنە پێشوازیکرن ژلایێ بەرێز ئەندازیار (جهور عزیز علی) قائیمقامێ دهوکێ، ژلایێ خوڤە شاندێ زانکویێ دەست خوشى و سوپاسیێن خۆ ئاراستەیى ستافێ قائیمقامیێ کرن کو ل نێزیک هایدارى رەوشا خەلکى و ل گلە و گازندێن وان ل بەرچاڤ وەردگرن، هەروەسا قائیمقامى خوشحالیا خۆ دەربرى بۆ شاندێ زانکویێ سەرەرایى کارێ فێرکرن و پێگەهاندنێ جەخت ل پەیوەندى و هەماهەنگیێ دکەن دگەل سازیێن حکومى.
هەر وەسا ژلایەکێ دیڤە شاندێ زانکویێ سەرەدانا رێڤەبەریا گشتى یا ساخلەمیێ ل پارێزگەها دهوک کر، و هاتنە پێشوازیکرن ژلایێ بەرێز (د.نزار عصمت) رێڤەبەرێ گشتى یێ ساخلەمیێ، و ئاماژە ب چاوانیا دانان بەرنامە وپلانێن مفا وەرگرتن ژ شیانێن هەڤدوو دناڤبەرا کەرتى تایبەت و یێ حکومى، ل دوماهیێ شاندێ زانکویێ ئامادەییا خۆ دەربرى بۆ ڤەکرن و ئەنجامدانا چەندین خول و سمینار و بزاڤێن هەڤپشک بۆ فەرمانبەرێن کارگێرى.
د هەردوو سەرەدانا دانا زانکویا جیهان-دهوک وەک رێزگرتن ل کار و ماندیبوون وخزمەتا وان یا بەرچاڤ لوگویێ رێزلینانێ پێشکێشى وان کر

TOP