رێز و وەفا بۆ روحا (هندرین وەهبى) و دووبارە ڤەکرن وچالاککرنا سەنتەرێ پێشکەفتن یێ رەوشەنبیرى ل زانکویا جیهان-دهوک

by / Wednesday, 03 April 2019 / Published in University Activities
1

رێکەفتى (2/4/2019) زانکویا جیهان-دهوک ب ئامادەبوونا بەرێزان پروفیسورێ هاریکار (د.زیرڤان عبدالمحسن) سەرۆکێ زانکویێ، و بەرێز پروفیسور (د.ابراهیم احمد سمو) راوێژکارێ دەستەیا ئەمینداریا زانکویێن جیهان، و هژمارەکا ماموستا و قوتابیان، رێڤەبەر و بەرپرسێن دام و دەزگایێن حکومى و حزبى و نوینەرێن قوتابیان بەشداربوون کو پێک هاتبوون ژ بەرێزان (د.نزار عصمت رێڤەبەرێ گشتى یێ ساخلەمیا پارێزگەها دهوکێ، و بەرێز (امیر عەلی) جێگرێ رێڤەبەرێ گشتى یێ رەوشەنبیرى و هونەرى/دهوک، و شاندێن رێڤەبەریا پولیسێن دهوکێ، و پولیسێن هاتن و چوونێ، بەرێز (مللەت عصمت) نوینەرێ نڤیسینگەها جەماوەرى و پیشەیى یا لقا ئێک، ونوینەرێ لقا زانکو، و بەرێز و (علی حسن) بەرپرسێ لقا دهوک یا ئێکەتیا قوتابیێن کوردستانێ، و بەرێز (ئومێد حکیم) بەرپرسێ لژنا زانکویا جیهان یا ئێکەتیا قوتابیێن کوردستانێ ب شانازیڤە رێ و رەسمێن دووبارە ڤەکرن و چالاککرنا سەنتەرێ پێشکەفتن یێ رەوشەنبیرى و هونەرى ل زانکویا جیهان-دهوک هاتنە ئەنجامدان.
وەک وەفایەک بۆ روحا کاک (هندرین وەهبى) بەرپرسێ سەنتەرێ پێشکەفتن، و ب ئامادەبوونا مالباتێ بەرێز (وەهبى عبدالله) بابێ کاک هندرین، و (سفین) برایێ ناڤبرى، پێشانگەهەکا وێنێن خودێ ژێ رازى هاتە ڤەکرن و گولێن وەفایێ پێشکێشى گیانێ وێ کرن، پاشان ل هولا پێشمەرگە ل زانکویا جیهان، چەندین پەیڤێن جودا جودا ژ لایێ سەروکێ زانکویێ و راوێژکار و هژمارەکا دام و دەزگایێن حکومى و مالباتا ناڤبرى هاتنە خواندن و ئاماژە ب رول و دلسوزى و خەمخوریا کاک هندرین ژ بۆ وێ خەبات و چالاکى و کارێن بەرچاڤێن پێشکێشى گەنج و قوتابیان کرى، و ئاماژە ب وێ چەندێ هاتە کرن کو کاک مالباتێ کاک هندرین ژ دەست دا، لێ دهوکێ ژ هندرین ژ دەست دا.
پاشان مالباتا خودێ ژێ رازى و نوینەرێن رێڤەبەریێن حکومى سوپاس و پێزانینێن خو ئاراستەیى زانکویا جیهان کر ژ بۆ ڤێ وەفادارییا ل هەمبەر گیانێ وى کرین.
پاشان ب ئامادەبوونا بەرێزان (ماموستا رەمەزان) و ماموستا (کوڤان) ژ رێڤەبەریا کاروبارێن نافخو یێن پارێزگەها دهوکێ، و بەرێز (کاوە نورى) رێڤەبەرێ سەنتەرێن رەوشەنبیرى و تیپێن هونەرى، کونفرانسێ سەنتەرێ پێشکەفتن هاتە ئەنجامدان، و دەستەیەکا نوى ب هەلبژارتن هاتە دەستنیشان کرن کو پێک دهێت ژ بەرێزان.
(هژار علی، عساف محمد سلیم، شهلە تحسین، خالد فاضل، عمر عدنان، شلێر محمد صدیق)

TOP